Компанијата „ММ Дисоски“ како дел од програмата EEN-ScaleUP

 

ММ Дисоски, компанија за развој на софтвер и онлајн маркетинг, е дел од scale-up програмата на мрежата Enterprise Europe Network во Македонија (EEN-ScaleUP) од октомври 2017та година. Компанијата обезбедува креативни решенија од областа на веб дизајнот, мобилните и веб апликации и интернет промоцијата. Континуирано работи на развој на нови, сопствени продукти вклучувајќи едукативен софтвер и интернет пребарувач за деца, различни мобилни апликации – за преглед на дневен печат, пронаоѓање на сервисни услуги за автомобили, за онлајн маркетинг, и слично.  Како дел од програмата EEN-ScaleUP, беше направена проценка на потребите на компанијата и подготвен е акционен план за интернационализација и пристап до извори на финансирање, вклучувајќи советодавни и партнерски услуги. Компанијата учествуваше во настани за градење на капацитети што овозможија обезбедување на грант за развој на нов производ, а континуирано се работеше и на барање на партнери за олеснување на настапот на нови, странски пазари.

Enterprise Europe Network ми помогна да ги идентификувам вистинските финансиски инструменти за потребите на нашата компанија. Добивме и стручна помош за подобро дефинирање на нашиот пристап кон управувањето на интелектуалната сопственост на компанија. И најважно, мрежата ни помогна да најдеме странски партнер којшто не само ќе ни овозможи пристап до ЕУ пазарот, туку и ќе овозможи проширување на портфолиото на нашите продукти и услуги“ – изјави г-ѓа Валентина Дисоска, управител на компанијата и истакната жена претприемач.

 

Јована Филиповиќ, моден дизајнер и жена претприемач (EEN-ScaleUP)

 

Јована Филиповиќ, моден дизајнер и жена претприемач, е дел од scale-up програмата на мрежата Enterprise Europe Network во Македонија (EEN-ScaleUP) од октомври 2017та година. Нејзината компанија речиси веднаш стана препознатлива благодарение на нејзиниот талент и примената на иновативни методи на работа. Компанијата е добро позната по својот бренд, кој нуди удобна и модерна облека препознатлива по својот чист и минималистички дизајн. Како дел од програмата EEN-ScaleUP, беше направена проценка на потребите на компанијата и подготвен е акционен план за интернационализација, вклучувајќи советодавни и партнерски услуги. Спроведувањето на акциониот план овозможи значително забрзување на интернационалниот раст на компанијата, преку наоѓање на бизнис партнери во Шпанија и Италија и воспоставување на значајни деловни контакти со учество на Texworld, водечки саем од областа на текстилот и модата што се одржува во Париз, и на Саемот Grand Sourcing 2017 во Кореа. Дополнително, компанијата имаше можност да ги унапреди своите вештини преку дедицирани активности на програмата за градење на капацитети.

Благодарение на Enterprise Europe Network добив огромна помош да создадам меѓународни партнерства во Европа. Иако побарав еден совет, добив цел пакет на услуги што ги надмина моите очекувања“ – изјави македонската дизајнерка.

 

Enterprise Europe Network – преку локална соработка до нови бизнис партнерств

 

 

 

Enterprise Europe Network во Македонија ја реализира својата мисија за поддршка на иновативноста и интернационализацијата на македонските МСП во тесна соработка со бројни локални чинители од претприемачкиот еко-систем. Преку различните механизми за локална соработка и партнерство, реализирана е поддршка на бројни македонски компании, особено на полето на настап на странски пазари и поврзување со партнери за долгорочна и вносна соработка.

Во таа насока, македонската мрежа соработува и со Стопанската комора на Македонија Турција, особено при организирањето на настапот на нашите компании на традиционалниот саемски настан Match4Industry Business Matching што години наназад се одржува во Коџаели, Турција. На настанот во 2017 година учествуваа шест македонски компании кои имаа можност да се презентираат пред бројните компании-излагачи и да остварат директни б2б средби. Како резултат на ова вмрежување, македонските компании потпишаа неколку договори за соработка со странски деловни партнери, а коишто ќе придонесат кон нивниот раст и развој. И на овогодинешниот настан во Турција се очекува учество на делегација од македонски компании заинтересирани за пристап до нови пазари или до нови производи и услуги за проширување на нивното портфолио и зајакнување на позицијата на постоечките пазари.

Enterprise Europe Network во Македонија, исто така, соработува и со Здружението на бизнис жени, заедно помагајќи им на македонските жени претприемачи да го зголемат своето интернационално работење. Како резултат на договорот за локална соработка, потпишани се неколку договори за партнерство на македонското здружение со слични организации од регионот и Европа, а остварена е и деловна соработка помеѓу македонските претприемачки и партнери од странство.

Мрежата ќе продолжи да соработува со локалните партнери и во следниот период. Предвидени се заеднички иницијативи и со Текстилниот кластер, со Македонската асоцијација на метална и електро индустрија, како и со Националната асоцијација на пронаоѓачи на Македонија. Преку заедничките активности на поддршка, се очекува вклучените компании да го унапредат своето работење, како и да ја консолидираат својата позиција на македонскиот и на странските пазари.

 

УСПЕШНА ПРИКАЗНА – Постигнато стратешко партнерство за пристап до европските истражувачки програми со поддршка на Enterprise Europe Network

ИКТ секторот е еден од главните контрибутори кон иновациите и растот како на македонската така и на севкупната европска економија. Но воедно овој сектор се соочува и со низа предизвици, вклучувајќи ја и потребата за интензивирање на развојно-истражувачките активности на компаниите.

Една од компаниите во Македонија која своето работење и конкурентска предност ги заснова токму на развој на иновативна решенија е 4Virtus, компанија развивач на софтвер со експертиза во областа на веб решенија, мобилни апликации, „Интернет на нештата” решенија и дигитални маркетинг услуги. 4Virtus со добиени повеќе интернационални награди и признанија изминатите години, веќе се етаблира како пример за иновативна и успешна ИТ компанија во Македонија. Заради понатамошно искористување на иновативниот потенцијал и зголемување на активностите на странски пазари, 4Virtus е ценет клиент на Фондацијата за менаџмент и индустриско истражување, една од 600те членки на најголемата мрежа за поддршка на МСП присутна во 66 земји – Enterprise Europe Network (http://een.ec.europa.eu/).

„Ние им помагаме на МСП при комерцијализацијата на нивните иновативни решенија преку советодавни услуги, барање на странски партнери и пристап до програми за истражување и развој” – објаснува Александар Филипоски од Enterprise Europe Network во Македонија. На клиентите на мрежата им се нудат бројни услуги за поддршка вклучувајќи асистенција за учество во ЕУ проекти, посредување при наоѓање на странски деловни партнери за бизнис соработка, трансфер на технологии и истражувачки проекти, како и организирање на едукативни и б2б настани.

4Virtus со поддршка на мрежата во октомври 2015 година зеде учество на Брокерскиот настан SICILY4EXPO во Милано, Италија каде што оствари бројни средби со компании од различни делови на Европа. Една од компаниите беше и PFM SRL, италијанска компанија што делува на полето на е-учење, технологии за управување на знаење и семантички веб сервиси. Нивната средба во рамките на настанот беше само почеток на она што денес израсна во стратешко партнерство за пристап до европските фондови наменети за истражување и развој на МСП. Без претходно искуство во дадената област, 4Virtus побара од италијанската компанија да го предводи процесот за подготовка на проект, вклучувајќи и креирање на тим на соработници, а со кој заедно аплицираа во рамки на МСП Инструментот како дел од Хоризонт 2020, најголемата програма за поддршка на истражувањето и развојот во Европа.

„Благодарени на Enterprise Europe Network добивме можност да најдеме нов стратешки партнер кој ни отвори нови хоризонти во работењето. Претходно не размислувавме и не бевме целосно свесни за можностите за пристап до нови меѓународни пазари со поддршка на програмите на ЕУ”, изјави Игор Христов, основач и директор на 4Virtus.

Македонска иновативна апликација ќе го поддржува истражувањето на биотехнологии во Италија

SyNRG Software and IT Solutions  е реномирана македонска компанија за развој на напредни софтверски решенија и примена на најсовремени технологии. Специјализирана е во процесот на трансформирање на иновативни идеи во производи за глобалниот ИТ пазар. Компанијата нуди иновативни ИТ производи и услуги од различни области, како што се контрола во реално време, вештачка интелигенција, компјутерска графика со 3D алгоритми, и апликации за социјални мрежи.

SyNRG ја контактираше Фондацијата за менаџмент и индустриско истражување (ФМИР), еден од партнерите на EEN Македонија, со идеа за пронаоѓање на странски партнери за своите иновативни решенија. ФМИР го предложи брокерскиот настан Innovat&Match (6-7 Јуни 2012, Болоња Италија), како одлична можност за средби со фирми од различни европски земји и за промовирање на своите резултати и иновативни апликации.

Помеѓу потенцијалните партнери од EEN на настанот присуствуваше и Silvia Mari, поранешен истражувач во еден од водечките болнички комплекси во Ломбардија, која во 2011 година ја основаше фирмата R4R, компанија за истражување во фармацевтската индустрија. Италијанскиот EEN партнер FAST го поддржа учеството на R4R на настанот. Двете компании се сретнаа на настанот, разменија информации за нивните бизниси и цели и заминаа од настанот со првиот потпишан договор за адаптација на т.н. SNAP апликација, сопственост на SyNRG Software and IT Solutions, според потребите на R4R.

“Благодарение на Enterprise Europe Network  добив можност да ја најдам ИТ апликацијата која што ја барав,” вели Silvia Mari. “Убеден сум дека соработката со R4R ќе продолжи понатаму и ќе се прошири и во други области,” додава Љупчо Коцески, ко-оснивач на SyNRG Software & IT Solutions.

 

Read more