Македонска иновативна апликација ќе го поддржува истражувањето на биотехнологии во Италија

SyNRG Software and IT Solutions  е реномирана македонска компанија за развој на напредни софтверски решенија и примена на најсовремени технологии. Специјализирана е во процесот на трансформирање на иновативни идеи во производи за глобалниот ИТ пазар. Компанијата нуди иновативни ИТ производи и услуги од различни области, како што се контрола во реално време, вештачка интелигенција, компјутерска графика со 3D алгоритми, и апликации за социјални мрежи.

SyNRG ја контактираше Фондацијата за менаџмент и индустриско истражување (ФМИР), еден од партнерите на EEN Македонија, со идеа за пронаоѓање на странски партнери за своите иновативни решенија. ФМИР го предложи брокерскиот настан Innovat&Match (6-7 Јуни 2012, Болоња Италија), како одлична можност за средби со фирми од различни европски земји и за промовирање на своите резултати и иновативни апликации.

Помеѓу потенцијалните партнери од EEN на настанот присуствуваше и Silvia Mari, поранешен истражувач во еден од водечките болнички комплекси во Ломбардија, која во 2011 година ја основаше фирмата R4R, компанија за истражување во фармацевтската индустрија. Италијанскиот EEN партнер FAST го поддржа учеството на R4R на настанот. Двете компании се сретнаа на настанот, разменија информации за нивните бизниси и цели и заминаа од настанот со првиот потпишан договор за адаптација на т.н. SNAP апликација, сопственост на SyNRG Software and IT Solutions, според потребите на R4R.

“Благодарение на Enterprise Europe Network  добив можност да ја најдам ИТ апликацијата која што ја барав,” вели Silvia Mari. “Убеден сум дека соработката со R4R ќе продолжи понатаму и ќе се прошири и во други области,” додава Љупчо Коцески, ко-оснивач на SyNRG Software & IT Solutions.

 

Read more

Работилница: Еколошка ознака, управување со отпад и видови отпад

we-een_LOGO

На 06.12. (четврток) во хотелот Континентал, се одржa работилница на тема: Еколошка ознака, управување со отпад и видови отпад. Работилницата  беше наменета за мали и средни претпријатија од Македонија.

На работилницата беа опфатени следните теми од областа на еколошко  работење на МСПа: еколошка ознака, видови на отпад и  општи правила за постапување со отпад, водење на  евиденција на отпад и  управител со отпад,  дозволи за управување со отпад, стратегија за управување со отпад  и инспекциски надзор.  

 

Меѓународна конференција: Зелен маркетинг Болоња, Италија

Kонференцијата, која ќе биде одржана во Болоња 13ти декември e организирана од страна на покраината Болоња како финален настан на европскиот проект Екомарк. Конференцијата е во насока на дисеминација  на активностите и резултатите од проектот кои се однесуваат на зелен маркетинг и маркетинг на индустриски области.

На конференцијата ќе се обратат врвни меѓународни експерти од областа, како и бизнисмени, претставници на институции и истражувачки центри.

Повеќе информации за настанот ќе најдете на следниот линк: International conference: green marketing and territorial marketing.

Доколку сакате да прочитате повеќе информации за самиот проект: Ecomark

Ecomark – Video Spain – AER from Agència Energètica Ribera on Vimeo.

 

header-logo

 

И&Р Интерактивна мапа

ENVIMPACT и PROCEED се вклучени во мапирање и проценка на истражувачки резултати од областа на загадување на воздух, хемиско загадување и останати еко-технологии. Опфатени се поголем број на земји од Централна и Источна Европа, а резултатите се претставени во онлајн база.

Профилите во кои се наоѓаат и македонски истражувачки резултати исто така може да се погледнат и преку R&D Interactive Map (И&Р Интерактивна мапа).

PROCEEDmapa(1)

Доколку имате истражувачки резултат кој би сакале да биде вклучен во базата, контактирајте не на mir@mir.org.mk

PROCEED- меѓу најдобрите примери за проекти за еколошко работење на МСПа

Како дел од своите активности, Европската комисија ги промовираше најдобрите примери на проекти кои имаат за цел да се подобрат еколошките перформанси на мали и средни претпријатија, избрани врз основа на квалитетот на иницијативите, нивната ефективност и преносливост во други области, како и да се поттикнат  различни видови на проекти. практиките покажуваат она што е направено на национално и регионално ниво во земјите членки на ЕУ и подалеку.

Еден од промовираните најдобри практики е и проектот ПРОСИД (PROCEED). Проектот е координиран од Стопанската комора на Арад, Романија и во него учествуваат 15 организации од 12 земји, меѓу кои е и Фондацијата за менаџмент и индустриско истражување како претставник од Македонија.

Концептот на овој проект е да се искористи Enterprise Europe Network (EEN) за да се создаде постојана комуникациска мрежа за истражувачките резултати и практики со потекло од Централна и Источна Европа. Затоа, проектот е насочен кон поддршка, проширување и подобрување на работата на јавните и приватните истражувачи од Централна и Источна Европа.

Очекуваните резултати се насочени кон зголемена употреба на резултати од истражувањето за животната средина во МСП преку синергии со постоечките мрежи и проекти за поддршка и координацијата на истражувачки активности во доменот на животната средина низ Европа. Меѓу главните активности, се организирање на деловни средби низ Централна и Источна Европа, за поддршка на малите и средни претпријатија преку EEN организации членки, се со цел да се олесни пристапот на истите до еколошки истражувања, технологии и нови проекти. За таа цел е креирана и професионална социјална мрежа.

Повеќе информации за проектот PROCEED