Учество во експертска група Интелигентна енергија

Фондација за Менаџмент и индустриско истражување како претставник на ЕИИЦМ учествува во Секторската група – Интелигентна енергија. Во рамките на Enterprise Europe Network функционира Секторската група – Интелигентна енергија (ИЕ), која претставува експертска платформа на полетo на обновлива и конвенционална енергија. За клиентите, членовите на Секторската група- ИЕ нудат поддршка, контакти и информации за изнаоѓање на партнер за бизнис или технолошка соработка од Европа.

Секторската група ги нуди услугите кои се типични за мрежата, но со зголемен фокус на остварување на успешна соработка за трансфер на иновативни технологии и заеднички истражувачки проекти од областа на енергетиката.

Секторската група- ИЕ се стреми кон креирање на додадена вредност за нејзините клиенти преку развивање на сопствени проекти, организирање на заеднички настани со останатите секторски групи на мрежата, како и надоврзувањето на веќе постоечките иницијативи на Европската комисија во дадената област како што се: Европски технолошки платформи , програмата Europe INNOVA, Европските истражувачки кластери, EREC – Европски совет за обновлива енергија, Европски агенции за енергија и останати. Крајната цел е поддршка на се повеќе растечкиот пазар на обновливи енергии.

Теми на фокус во Секторската група- Интелигентна енергија се:
– Обновливи енергии:

• Биомаса, биогас и био горива;
• Фотоволтаици и соларна термална енергија;
• Хидро енергија и енергија на бранови;
• Ветер;
• Геотермална енергија.